ШҰҒЫЛ! ТЕАТРЛАР МЕН ҚОҒАМДЫҚ ТАМАҚТАНУ ОРЫНДАРЫНЫҢ ЖҰМЫСЫНА РҰҚСАТ БЕРІЛДІ Толығырақ

ЖҰМЫССЫЗДАР «БАСТАУ БИЗНЕС» КУРСТАРЫН ОНЛАЙН ОҚИ АЛАДЫ

20:36, 11 ақпан 2020

Биыл жұмыссыздар «Бастау Бизнес» курсы бойынша кәсіпкерлік негіздерін қашықтықтан оқи алады. Онлайн сабаққа облыстың 400-ден астам тұрғыны қатысады деп жоспарланып отыр. Жалпы жоспар бойынша, осы жылы барлығы 1600-ге жуық жұмыссыз әрі өзін-өзі еңбекпен қамтығандар бизнес туралы білімін молайтады. Өткен жылы курс түлектерінің ішінен 1218 адам бизнес ашып, кейбірі кәсібін кеңейткен. Толығырақ тілшіміз тарқатсын.

Жұмыспен қамту орталықтары жұмыссыздар мен өзін-өзі жұмыспен қамтығандардан «Бастау Бизнес» тегін курстарында оқуға өтінімдер жинауды бастады. Бұл жерде кәсіпкерлікті жүргізу негіздерін оқып үйренеді. Сондай-ақ, тренерлер бухгалтерлік және салық есептерін жүргізуге, бизнес-жоспарын жазуға көмектеседі. Ал, курс түлегінің қолындағы сертификат – бизнес ашуға немесе кеңейтуге жеңілдетілген несие, грант ұтып алуға берілген мүмкіндік.

2019 жылы «Бастау Бизнес», «Жас кәсіпкер» курстарында 4040 адам оқыған. Оның 2899-ы аудандық, қалалық комиссиялардың алдында бизнес-жоспарларын қорғап шықты. Қазірге дейін несие алып немесе грант бәйгесінде бағы жанғандар – 1218 адам. 2020 жылы шамамен үш есе кем – 1611 адам тартылмақ. Соның 421-і қашықтықтан, онлайн әдіспен оқытылады. Жоспар бойынша, олардың кем дегенде 30 пайызы – 483  түлек кәсіп ашуы немесе кеңейтуі тиіс.

Курстың алғашқы легі наурыз айында басталады. Биылғы тыңдаушылардың 3-тен екісі жастар мен аз қамтылған және көп балалы отбасы мүшелері, еңбекке қабілетті мүгедектер болмақ. Олар жұмыспен қамту орталықтары арқылы іріктеліп алынады.

Аслан Қанғожин

Тақырып бойынша материалдар

"СЫБАЙЛАС ЖЕМҚОРЛЫҚ БІЗ ҮШІН ЕМЕС!" ЖАЛПЫРЕСПУБЛИКАЛЫҚ АКЦИЯ БАСТАУ АЛДЫ
20:30, 21 қыркүйек 2020
"СЫБАЙЛАС ЖЕМҚОРЛЫҚ БІЗ ҮШІН ЕМЕС!" ЖАЛПЫРЕСПУБЛИКАЛЫҚ АКЦИЯ...
Толығырақ...

Танымал жаңалықтар

ТЕАТРЛАР МЕН ҚОҒАМДЫҚ ТАМАҚТАНУ ОРЫНДАРЫНЫҢ ЖҰМЫСЫНА РҰҚСАТ БЕРІЛДІ
20:49, 17 қыркүйек 2020
ТЕАТРЛАР МЕН ҚОҒАМДЫҚ ТАМАҚТАНУ ОРЫНДАРЫНЫҢ ЖҰМЫСЫНА РҰҚСАТ...
Толығырақ...