ШҰҒЫЛ! «QOSTANAI» ТЕЛЕАРНАСЫ ЖАҢА ТЕЛЕМАУСЫМНЫҢ ТҰСАУЫН КЕСТІ Толығырақ

Тарандықтар көктем мерекесін атап өтті

20:43, 12 наурыз 2018

Таран ауданының арулары да халықаралық әйелдер күні мейрамында толассыз құттықтау мен құшақ-құшақ гүл шоқтарына кенелді. Аталмыш аудандағы нәзік жандылардың айтуынша, 8 наурызға орайластырылған мерекелік тарту жылдан жылға қызықты ұйымдастырылып келеді.

Мәдениет үйінде өрбіген мән-маңызы мол мерекелік мәжілістің мәртебелі меймандары-ақ жаулықты әжелер, аяулы аналар, ардақты апалар мен ерке қарындастар және жаны жайсаң жеңгелер. Осынау мейрамда орындалатын әсем ән де, күмбірлеген күй де, жылы лебіздер мен сый-сияпаттың бәрі солардың құрметіне арналады. Табиғат түлер тұста келіп жеткен төл мерекелерімен әйелдер қауымын алғашқы болып аудан әкімі құттықтады.

Жылдағы дәстүр бойынша Таранның ерлер қауымы нәзік жандыларды құттықтау үшін барын салғандары аңғарылды. Мерекелік шараны тамашалауға келушілердің қарасы қалың. Сонымен қатар, ауданның тыныс-тіршілігіне өз үлесін қосып жүрген нәзік жандылар да марапатталды.

Мерекелік жиын соңы аудан көркемөнер шеберлерінің үлкен коцертіне ұласты. Олар аналарға арнап ән салып, мың бұрала би биледі.

Тақырып бойынша материалдар

ҚАЗАҚСТАННЫҢ 100 ЖАҢА ЕСІМІНЕ ДАУЫС БЕРЕЙІК!
13:12, 18 қыркүйек 2018
ҚАЗАҚСТАННЫҢ 100 ЖАҢА ЕСІМІНЕ ДАУЫС БЕРЕЙІК!
Толығырақ...
САЯСАТКЕР ӘЙЕЛДЕР КЛУБЫ ЖҰМЫСЫН БАСТАДЫ
13:09, 18 қыркүйек 2018
САЯСАТКЕР ӘЙЕЛДЕР КЛУБЫ ЖҰМЫСЫН БАСТАДЫ
Толығырақ...

Танымал жаңалықтар