ШҰҒЫЛ! Маңызды мерекелерге дайындық қызу Толығырақ

Көшеге ілсең жарнама, өз тіліңді қорлама!

17:58, 14 шілде 2017

Тілдерді дамыту басқармасы мен «Жас Отан» жастар қанаты айрықша акцияның өтуіне мұрындық болды. Нәтижесінде, көшелерде және ғимараттардың маңдайшаларында ілінген сыртқы ақпараттың көбі сауатсыз екені мәлім болды. Сала мамандары бірқатарына ескерту жасап, қажет болса, әдістемелік көмек көрсетуге дайын екендерін жеткізді.

Түсіндіру шарасын жүргізу мақсатында тілдерді дамыту басқармасының мамандары мен жасотандықтар осы акцияға мұрындық болды. Қостанай көшелеріндегі жарнамалардың сапасын тексеру мақсатында ұйымдастырылған кезекті іс-шарада кезекті рет түрлі мекеменің сыртындағы жарнамалардың қате жазылғаны көзге бірден түсті. Маңдайшалардағы ақпараттың әсіресе қазақ тіліндегі нұсқасы дұрыс жазылмаған. 

Шара бастамашылары Қаламызда билбордтар мен маңдайшалар   ілінген жерлерді аралап, жіберілген қателіктерді тізді.

Жіберілген олқылыққа қатысты, кәсіпкер орнын толтыруға уәде етті. Меншiк нысанына қарамастан, ұйымдардың мөрлерiнiң, мөртабандарының мәтiнi мемлекеттiк тiлде және орыс тiлiнде жазылады.  Бұл тіл туралы заңның 21-бабында айтылған. 

Бұндай келеңсіздіктің басты себебі - кәсіпкерлердің салғырттығы. Олар   жарнамадағы жазуларға ат үсті қарайды. Кәсіби аудармашыға емес, қос тілді жетік білмейтін мамандардың көмегіне жүгінеді.

Жас отан жастар қанаты мүшелері мен тілдерді дамыту басқармасының мамандары қазақ тіліне шорқақ аудармашыларға  әдістемелік көмек беруге дайын. Тек, олар білікті мамандармен бірге жұмыс істеуге өздері ықылас танытса болды. Ал, бүгін жіберілген олқылықтардың орнын толтыруға сөз берген жандардың, өз уәдесіне қаншалықты берік екендігі 10 күннен соң белгілі болмақ.

Тақырып бойынша материалдар

«Үздік ауыл клубы» байқауының қорытындысы жарияланды
20:37, 22 қараша 2017
«Үздік ауыл клубы» байқауының қорытындысы жарияланды
Толығырақ...

Танымал жаңалықтар

«Ұлы дала елі» облыстық фестивалі өтті
13:00, 17 қараша 2017
«Ұлы дала елі» облыстық фестивалі өтті
Толығырақ...
«ХХІ ғасырдағы Алаштың ақ жолы» атты жалпыұлттық ғылыми байқау өтті
20:46, 17 қараша 2017
«ХХІ ғасырдағы Алаштың ақ жолы» атты жалпыұлттық ғылыми байқ...
Толығырақ...