ШҰҒЫЛ! КАРАНТИН ТАҒЫ БІР АПТАҒА СОЗЫЛАДЫ Толығырақ

АРДАГЕРГЕ ҚҰРМЕТ

20:30, 11 қыркүйек 2020

Ұрпақ парызы Отан үшін жау оғын қасқайып қарсы алған майдангерлердің ерен еңбегін үлгі тұтып, жадында сақтау. Екінші дүниежүзілік соғыс ардагері Қасымхан Алдабергенов 95 жасқа толып отыр. Бүгін оған құрмет көрсетіліп, облыс әкімінің құттықтау хаты табыс етілді.

Соғыстың аяқталғанына 75 жыл толса да, бұл Жеңістің маңызы еш жойылмақ емес. Батыр бабаларымыздың ержүректігі мен қаһармандығы адамзат өркениетін зұлымдық қатерінен құтқарды. ІІ дүниежүзілік соғыс жауынгерлері біздің, яғни кейінгі ұрпақтың бейбіт аспан астында өмір сүруі үшін ақтық демі қалғанша, жан аямай күреске түсті. Көбі көз жұмды, ал аз қалған ардагерлерге қазір барлық сый-құрмет көрсетілуде. Осы күні олар 75 жыл бұрын болған оқиғаны дәл бүгінгідей үлкен тебіреніспен еске алады.  

Туған жер тұлғаларымен асқақ. Кешегі сұрапыл соғыстың салдары талайлардың   жадында мәңгі қалары анық. Отанға төнген қауіп пен қатерге қарсы қалқан бола білген ел қорғандары кешегі - солдат, бүгінгі - ақ самай ардагерлер халқының шексіз құрметіне ие.

Қасымхан ақсақалдың ұлтымыздың жыршылық-термешілік мұрасын насихаттауға қосқан үлесі де ұшан-теңіз. Құймақұлақ орындаушы қазақтың алтын қорына көптеген жауһар шығармалар қосты. Олардың қатарында ұлы Абайдың "Масғұт", "Ескендір" поэмалары, сондай-ақ төл туындылары сақталулы. Атамыз айтыс өнерінде де өз қолтаңбасын қалдырды. Кешегі Нұрхан мен Омардың жұрнағындай жалғасқан ақпа ақын, Әбділдә Тәжібаевтан бата алған хас өнерпаз. 

Атылған оқ, төгілген қан, жат жерде мерт болған жерлестер, қарулас жауынгерлер 95-тегі майдангердің тың санасында мәңгілік сақталады. Әлі күге көз алдынан кетер емес. Бұл көріністер енді қайталанбасын, өскелең ұрпақ бейбіт өмірдің қадірін түсіне білуі тиіс, - дейді  ардагер.    

Даниел Шайынғазин

Тақырып бойынша материалдар

НҰРСҰЛТАН НАЗАРБАЕВ АТЫНДАҒЫ ДӘРІС ЗАЛЫ АШЫЛДЫ
20:12, 1 желтоқсан 2020
НҰРСҰЛТАН НАЗАРБАЕВ АТЫНДАҒЫ ДӘРІС ЗАЛЫ АШЫЛДЫ
Толығырақ...

Танымал жаңалықтар

ОБЛЫСТАҒЫ МАКРОЭКОНОМИКАЛЫҚ КӨРСЕТКІШТЕР ОҢ ДИНАМИКАҒА ИЕ
17:32, 26 қараша 2020
ОБЛЫСТАҒЫ МАКРОЭКОНОМИКАЛЫҚ КӨРСЕТКІШТЕР ОҢ ДИНАМИКАҒА ИЕ
Толығырақ...
«ҚОСТАНАЙ ОБЛЫСЫНЫҢ ТАНЫМАЛ ТҰЛҒАЛАРЫ». КЕЗЕКТІ КІТАП ЖАРЫҚҚА ШЫҚТЫ
20:13, 26 қараша 2020
«ҚОСТАНАЙ ОБЛЫСЫНЫҢ ТАНЫМАЛ ТҰЛҒАЛАРЫ». КЕЗЕКТІ КІТАП ЖАРЫҚҚ...
Толығырақ...
АУДАНДАР МЕН АУЫЛДАРДА РЕЙДТІК ШАРАЛАР ЖАЛҒАСУДА
20:06, 26 қараша 2020
АУДАНДАР МЕН АУЫЛДАРДА РЕЙДТІК ШАРАЛАР ЖАЛҒАСУДА
Толығырақ...