ШҰҒЫЛ! ЖАҢА ҚАУЛЫ: ҚОСТАНАЙ МЕН РУДНЫЙҒА КІРІП-ШЫҒУҒА ТЫЙЫМ САЛЫНДЫ Толығырақ

МЕДИЦИНАЛЫҚ САҚТАНДЫРУ: АРТЫҚШЫЛЫҚТАРЫ ҚАНДАЙ?

20:34, 16 қаңтар 2020

Қазақстандықтардың 97 пайызы – міндетті әлеуметтік медициналық сақтандыру қатысушылары. 2020 жылдың 1 қаңтарынан бастап Қазақстанда іске қосылған бұл жүйе халық арасында көп сұрақтар тудыруда. Осыған орай, еліміздің денсаулық сақтау вице-министрі сала мамандарымен бірге өңірлік коммуникациялар қызметінде өткен брифингте толығырақ айтып берді.

Міндетті әлеуметтік медициналық сақтандыру енгізудің қандай да бір айтарлықтай нәтижелері туралы айту әзірге ерте, дегенмен, пациенттердің көпшілігі қазірдің өзінде мемлекеттік емханаларда қызмет көрсету жақсарғанын, консультациялық-диагностикалық көмек айтарлықтай қолжетімді бола түскенін айтады. Осыған дейін адамдарға өз қалтасынан төлеуге тура келген барлық ақылы диагностика, оның ішінде МРТ, КТ, ПТР секілді қымбат зерттеулер, толығымен тегін көрсетілетін болды.

Екі жыл кейінге шегеріліп барып іске қосылған жаңа жүйеге қатысты туындап жатқан сұрақ көп. Соның ең негізгісі  жарна мәселесіне қатысты. Жұртшылықты мазалаған маңызды сұраққа «Әлеуметік медициналық сақтандыру қорының»  басқарма төрағасының орынбасары жауап берді.

Енді тұрғындарға құжат тасып жүрудің қажеті жоқ. Науқаста медициналық сақтандырудың бар-жоғын дәрігерлер электронды жүйе арқылы біліп отырады. Бұл дәрігерлерді қағазбастылықтан құтқарады әрі жұмыстың сапасы артады. Жаңа жүйенің халыққа берер мүмкіндігі көп. Қостанай өңірі бұл жүйені іске асыруға толғымен дайын.

Барлық алғашқы медициналық-санитарлық, шұғыл және жедел көмек тегін медициналық көмектің кепілдендірілген көлемінде қалды. Әрбір адам, бұрынғысынша, тіркелген жері бойынша учаскелік дәрігердің қабылдауына жазыла алады, базалық анализдер мен диагностикаға, ауруды бақылау және емдеу бойынша дәрігердің консультациясына жолдама ала алады. Сақтандыру ережесінде мүгедек, зейнеткер, көпбалалы отбасы секілді 15 санатқа жататын азаматтар жарна төлеуден босатылған. Олар үшін жарнаны мемлекет төлейді. Қалған азаматтар медициналық сақтандыру жүйесіне қатысулары тиіс.  

Бауыржан Қасымқан

Тақырып бойынша материалдар

ИНФЕКЦИЯЛЫҚ ЕМХАНАДА ІНДЕТПЕН КҮРЕСУГЕ ДӘРІГЕРЛЕР ДАЙЫН
20:13, 18 қараша 2020
ИНФЕКЦИЯЛЫҚ ЕМХАНАДА ІНДЕТПЕН КҮРЕСУГЕ ДӘРІГЕРЛЕР ДАЙЫН
Толығырақ...

Танымал жаңалықтар

АУЫЛДАРДЫ ГАЗДАНДЫРУҒА БИЫЛ 3,32 МЛРД ТЕҢГЕ БӨЛІНДІ
20:34, 20 қараша 2020
АУЫЛДАРДЫ ГАЗДАНДЫРУҒА БИЫЛ 3,32 МЛРД ТЕҢГЕ БӨЛІНДІ
Толығырақ...
ҚАЗАҚСТАНДА ЖАСАЛҒАН. СҮТ ӨНІМДЕРІ ШЕТЕЛ НАРЫҒЫНДА СҰРАНЫСҚА ИЕ
20:13, 19 қараша 2020
ҚАЗАҚСТАНДА ЖАСАЛҒАН. СҮТ ӨНІМДЕРІ ШЕТЕЛ НАРЫҒЫНДА СҰРАНЫСҚА...
Толығырақ...