ШҰҒЫЛ! ОҢАЛТУ ОРТАЛЫҒЫ АШЫЛДЫ Толығырақ

ҰЛАҒАТТЫ ҰСТАЗ – ҰРПАҚҚА ҮЛГІ

20:49, 8 қараша 2019

Науырзым ауданы Қарамеңді ауылында Қазақ ССР оқу министрлігінің құрмет грамотасының иегері, Жамбыл орта мектебінде үздіксіз еңбек еткен ардагер ұстаз, сол оқу ордасының негізін қалаушы жəне алғашқы мектеп директоры, ауданның құрметті азаматы Сүтемгенов Тойкен Көпейшеұлын еске алуға арналған жиын өткізілді.

Тойкен Көпейшеұлы 1968 жылы Қарағанды педа­гогикалық институтын бі­тір­іп, Науырзым ауда­ны орталығындағы орыс-қа­зақ аралас мектебіне мұғалім болып орналасты. Физика-мате­ма­тика пәнінен білікті мұғалім және істі үйіріп әкететін ұйым­дас­тыру­шылық қабілетімен мектеп ди­ректорының оқу-тәрбие ісі жө­ніндегі орынбасары болды. Кейін ол 30 жыл бойы мектеп директорының қызметін атқарды. Інілік ізеті де зор еді дейді ағасы.

Ол мектепті басқарған жылдары білім ошағын үздік бітіріп, «Ал­тын медаль», «Алтын белгі» алған түлектер аз болған жоқ. Ел­басы айтатын бәсекеге қа­білет­­­тілік деген ұғымды Той­кен ұс­таз балаларды білімге ынтық­ты­рудың тамаша құралы деп есеп­тейтін.

Ұстаздық етуден еш жалықпаған ұлағатты ұлықтау мақсатында мектеп қабырғасында ұлы тұлғаның құрметіне арнайы бұрыш ашылды.

Тойкен аға – көпшіл кісі. Ол педагогикалық ұжымда «біріміз – бәріміз, бәріміз біріміз үшін» деген ұстанымды қалыптастырған еді. Бір сыныптың көрсеткіші нашарласа барлығымыз соны уайымдап, көмекке жүгіретінбіз. Мек­тепте бір мұғалім ауырып қалса немесе бір қиындыққа душар болса барлығымыз со­ның қасынан табылатынбыз. «Түсі­нісіп жұмыс істемей, табыс болмайды. «Жалғыз ағаш орман емес, жалғыз адам қорған емес» деген, педагогикада жалғыз шауып бәйге алу міндет емес, айна­лаң дұрыс болмаса, сенің жеткен жетістігің еш­нәрсені өзгерте алмайды» деп оты­рушы еді. Тойкен ағай кезінде ұжым сондай тату бол­ды деп еске алады әріптестері.

Жамбыл мектебінде жарысқа құрылған қызықты шараларды көптеп ұйымдастыру -  Тойкен Көпейшеұлы қалыптастырған дәстүрдің бірі. Жарыста ұстаздың да, оқушының да ізденісінен тамаша істер туатынын білікті директор ілкімділікпен байқаған. Ол әкелік парызын да тиісті деңгейде атқарды дейді балалары.

Тойкен Сүтемгеновта  марапат көп. Соның ішінде 1990- жылы алған «Қазақ КСР халық ағарту ісінің озық қызметкері» төсбелгісін, 2001- жылы алған Елба­сының «Алғыс хатын» ерекше атап өтуге болады . Ол ұжымда «мұғалім үшін өз шәкірті қадірлейтін ұстаз дәрежесіне көтерілуден артық марапат жоқ» деп отыратын.

Тау тұлғаны еске алу кешінде Тойкен Көпейшеұлының замандастары, әріптестері мен шәкірттері де бір ауыздан қазіргі Жамбыл орта мектебінің атауын өзгертіп, аталмыш білім ордасына ел ертеңі үшін ерен еңбегі сіңген ердің есімін беруді ұсынды. Ол алдағы уақытта ономастиикалық заңнаманың талап-шарттарына сай қаралатын болады.

Айдын Шәйкенов

Тақырып бойынша материалдар

Танымал жаңалықтар

А.ҚҰНАНБАЙҰЛЫНЫҢ 175 ЖЫЛДЫҒЫНА АРНАЛҒАН КЕШ
20:50, 11 желтоқсан 2019
А.ҚҰНАНБАЙҰЛЫНЫҢ 175 ЖЫЛДЫҒЫНА АРНАЛҒАН КЕШ
Толығырақ...
БАСКЕТБОЛДАН ХАЛЫҚАРАЛЫҚ ТУРНИР ӨТТІ
20:53, 9 желтоқсан 2019
БАСКЕТБОЛДАН ХАЛЫҚАРАЛЫҚ ТУРНИР ӨТТІ
Толығырақ...