ШҰҒЫЛ! ҚОСТАНАЙДА ЗАМАНАУИ ҚОНАҚ ҮЙ ЖӘНЕ 20 ҚАБАТТЫ ТҰРҒЫН ҮЙ САЛЫНАДЫ Толығырақ

СУ ТАСҚЫНЫНЫҢ АЛДЫН АЛУ - БАСТЫ НАЗАРДА

18:04, 16 сәуір 2018

Тасқын қаупі төнген сайын, бақылау да күшейді. Қатермен бетпе-бет келмеу үшін дайындық шаралары дамылсыз пысықталып жатыр. Әсіресе, су қоймалары мен бөгеттердің жайы басты назарда ұсталуы керек. Осы мақсатта облыс әкімі Архимед Мұхамбетов Таран және Жітіқара аудандарына арнайы жұмыс сапарымен барды. Аталған аумақтарда атқарылып жатқан ауқымды шаралар жайында толығырақ тілшіміз баяндайды.

Аймақ басшысы әуелі Таран ауданына аялдап, Аят өзенінің жағасында салынып жатқан бөгеттің жай-күйімен танысты. Оның құрылысына облыс бюджетінен 116,4 млн. теңге қаржы бөлінген екен. Жобаның жалпы құны – 270млн. 783 мың теңге. Жұмыстар биыл қазан айында аяқталмақ. Өңір әкімі мерзімнен бұрын сапаға ден қоюды тапсырды. Бұл жерде аудан құтқарушылары мен техника сап түзесіпті. Олар табиғаттың тосын мінезіне тас-түйін дайын екендеріне сендірді.

Жітіқараның да жіті бақылауында бірнеше гидротехникалық нысан бар. Солардың бірі – Желқуар су қоймасы. Мұнда қызыл су қарқыны күшейіпті. Қойма арқылы арқырап ағып жатыр. Учаске басшының облыс әкіміне берген ақпаратынша, бұл ағын Денисов ауданы арналарын көктеп өтіп, Тобыл өзеніне қосылады екен. Жауапты мекеме өкілдері мұндағы жағдайды ұдайы қадағалап отыр. Айта кетейік, бұл нысан республикалық және облыстық бюджет есебінен 2011-2013-ші жылдары салынған болатын.

Кезекті нысандар – төменгі және жоғарғы Шортанды су қоймалары. Бұл жерде де қызыл су деңгейі көтерілген. Дегенмен, таяудағы елді мекендерге келер қауіп жоқ. Оның үстіне, сонау 1962-ші жылы пайдалануға берілген қос қойма да биыл күрделі жөндеуден өтеді. Оған 154,4 млн. теңге қаржы қарастырылыпты.

Жауапкершілікті өз мойнына алған мердігер компания құрылысты осы жылдың тамыз айында аяқтауға уәде етті.

 

Айдын Шәйкенов

Тақырып бойынша материалдар

КӘСІПКЕРЛІКТІҢ ДАМУЫ – ЕЛ ӘЛЕУЕТІНІҢ АРТУЫ
20:39, 23 сәуір 2018
КӘСІПКЕРЛІКТІҢ ДАМУЫ – ЕЛ ӘЛЕУЕТІНІҢ АРТУЫ
Толығырақ...
ИГЕРІЛМЕГЕН ЖЕРЛЕР БОЙЫНША КОМИССИЯ ҚҰРЫЛАДЫ
20:36, 23 сәуір 2018
ИГЕРІЛМЕГЕН ЖЕРЛЕР БОЙЫНША КОМИССИЯ ҚҰРЫЛАДЫ
Толығырақ...

Танымал жаңалықтар