ШҰҒЫЛ! ҚОСТАНАЙ ОБЛЫСЫНДА COVID-19 СЫРҚАТТАНУДЫҢ 16 ЖАҒДАЙЫ АНЫҚТАЛДЫ Толығырақ

ӨҢІРДІҢ ДАМУЫ – АУЫЛДАН БАСТАЛАДЫ

20:30, 22 сәуір 2019

Бүгінгі күні елімізде кәсіпкерлерді қолдау бағытында бірнеше мемлекеттік бағдарламалар бар. Сондықтан қаржыландырудың тиімді тетіктерін қолдану керек. Алтынсарин ауданына жұмыс сапарымен барған облыс әкімі осындай тапсырма берді. Мұнда Индустрияландыру картасы аясында бір ғана жоба жүзеге асырылған. Архимед Мұхамбетов және де Қостанай ауданына қарасты Октябрь ауылына барып, әлеуметтік нысандарды аралады. Аталған ауылда биыл ауқымды құрылыс жұмыстары қолға алынбақ.

Щербаков ауылындағы «Темте»   ауыл шаруашылық өндірістік кооперативі бұл.   Мал өнімін өткізуден бөлек тәулігіне 500 литр қымыз өңделетін болады. Болашақта 13 адам еңбекпен қамтылмақ.  Инфрақұрылым тартылған. Кооперативке тек  қондығыларды орнату ғана қалды. Бірақ, оған қаржы жетпей тұр. Бұл мәселені мемлекет ұсынған тиімді несиелендіру жүйесі арқылы шешуді тапсырды облыс әкімі. Жалпы, ауданда 3 айда бірде бір жоба жүзеге асырылмаған.   

Бұдан кейін өңір басшысы Силантьев ауылындағы жиһаз цехына барды. Сұраныс бар, таспырыс көп. Жергілікті бизнесмен және де наубайхананы басқарады. Өнімнің жартысы  тұрақтандыру қоры арқылы Жітіқара  ауданына жөнелтіледі екен. 

Алтынсарин ауданына жұмыс сапарымен барған облыс әкімі балалар шығармашалық үйіндегі роботехника  кабинетін айналып өтпеді.  Демеушілердің көмегімен ашылған кабинет 3 д принтер, жеке модельдерді құрастыруға арналған құрылғылар, робототехника жиынтықтарымен жабдықталған. Үйірмеге 85  бала қатысады. Техникалық шығармашылық өнердің бұл  түріне оқушылардың қызығушылығы зор екені байқалады.

Архимед Мұхамбетов мұнан соң Қостанай ауданына қарасты Октябрь селосындағы  орта мектепке барды. 1962 жылы негізі  қаланған нысан биыл   алғаш рет күрделі  жөндеуден өтпек. Қалпына келтіру шаралары мамыр айында бастау алады. Бюджеттен  337 млн теңге  бөлінеді. Нысанның шатыры ,  жылыту жүйелері толықтай жаңартылады.

Мектеп басшылығы кезінде қосымша салынған бөлмені денешынықтыру залы  қылып жабдықтағылары келген. Дегенмен, шәкірт саны аз болғандықтан бұл қосымша шығын келтіретінін айтты өңір басшысы. Архимед Мұхамбетов ауылдағы амбулаторияға барды. Үш мың  тұрғынға бастапқы медициналық санитарлық көмек көрсетіледі.  Болашақта  жаңадан  шағын емдеу бөлімшесін ашу жоспарланған. Бұған қолдау болатыны айтылды.  Биыл ауылда сол сияқты жодарды жөндеу жұмыстарына  да қаржы қарастырылған. 

Тақырып бойынша материалдар

ОБЛЫС ӘКІМІ БІРҚАТАР НЫСАНДАРДЫ АРАЛАДЫ
20:02, 29 мамыр 2020
ОБЛЫС ӘКІМІ БІРҚАТАР НЫСАНДАРДЫ АРАЛАДЫ
Толығырақ...
НЕСИЕ ТӨЛЕУДІ КЕЙІНГЕ ҚАЛДЫРУ БОЙЫНША 53 МЫҢ ӨТІНІШ МАҚҰЛДАНДЫ
20:35, 27 мамыр 2020
НЕСИЕ ТӨЛЕУДІ КЕЙІНГЕ ҚАЛДЫРУ БОЙЫНША 53 МЫҢ ӨТІНІШ МАҚҰЛДАН...
Толығырақ...

Танымал жаңалықтар

ӘДЕП НОРМАЛАРЫН БҰЗУ ДЕРЕКТЕРІ ТӨМЕНДЕГЕН
20:19, 26 мамыр 2020
ӘДЕП НОРМАЛАРЫН БҰЗУ ДЕРЕКТЕРІ ТӨМЕНДЕГЕН
Толығырақ...
200 ШАҚЫРЫМНАН АСА ЖОЛ КҮРДЕЛІ ЖӨНДЕЛЕДІ
20:04, 25 мамыр 2020
200 ШАҚЫРЫМНАН АСА ЖОЛ КҮРДЕЛІ ЖӨНДЕЛЕДІ
Толығырақ...