ШҰҒЫЛ! АУА РАЙЫНА БАЙЛАНЫСТЫ ЕСКЕРТУ ЖАРИЯЛАНДЫ Толығырақ

«АЛТЫН МИКРОФОН» МӘРЕСІНЕ ЖЕТТІ

20:40, 22 сәуір 2019

Еліміздің түкпір-түкпірінен және алыс-жақын елдерден келген жеткіншек күміс көмей әншілердің басын құрап, мықтысын анықтаған «Алтын микрофон» ән-байқауы жеңімпазын анықтады. Үш күнге созылған фестиваль нәтижесі бойынша гран-приді қостанайлық Ясмин Ибраева иемденді. Байқау соңы гала-концертке ұласты.

Қазылар алқасына ең үздігін айқындау оңайға соққан жоқ. Өз әншілерімізбен қатар шет елдіктер де өздерінің жезтаңдайларын алып келген. Себебі «Алтын микрофон» байқауы мемлекетіміздің төңірегінен де тыс аймақтарда үлкен беделге ие. Биыл он жетінші рет ұйымдастырылып отыр. Оған қатысуға  7 мемлекеттен 100 - ден астам үміткер ниет білдіріпті. Күміс көмейлер байқауының жеңімпаздарын облыс әкімінің орынбасары  құттықтады.

Иа, шынымен де қазылар алқасының құрамы өнер саласының майталмандарынан жасақталған. «Алтын микрофон» байқауы Еуразия төңірегінде өтетін өнер сайыстарының беделділерінің бірі. Бұл шет елдерден келген қонақтардың пікірі.

Қазылар алқасы қатысушыларды бағалап қана отырған жоқ. Сондай-ақ, өздері де сахнаға шығып, әлемге атақты әндерді орындады.Италиядан келген Микеле Помо әйгілі  Besame Mucho -ны шырқап, жиналған қауымды ерекше әсерге бөледі.

Ақтық сынға өтіп, жеңімпаз атанғандарға бағалы сыйлықтар табыс етілді. Ал, бас жүлде  облысымыздың атынан шыққан Ясмин Ибраеваға бұйырды.  Бағы жанған кішкентай өнерпаз сахна төрінде кәсіби өнер көрсетті.

Осылайша 17-ші «Алтын Микрофон» байқауы өзінің тағы бір жеңімпазын анықтады. Ұйымдастырушылар енді келер жылғы байқаудан кезекті жаңа жұлдыз күтетіндерін айтты.

Тақырып бойынша материалдар

А.ҚҰНАНБАЙҰЛЫНЫҢ 175 ЖЫЛДЫҒЫНА АРНАЛҒАН КЕШ
20:50, 11 желтоқсан 2019
А.ҚҰНАНБАЙҰЛЫНЫҢ 175 ЖЫЛДЫҒЫНА АРНАЛҒАН КЕШ
Толығырақ...
АУДАН ЖАСТАРЫНЫҢ «АЛТЫН КІТАБЫ» ЖАҢА ЕСІМДЕРМЕН ТОЛЫҚТЫ
20:49, 10 желтоқсан 2019
АУДАН ЖАСТАРЫНЫҢ «АЛТЫН КІТАБЫ» ЖАҢА ЕСІМДЕРМЕН ТОЛЫҚТЫ
Толығырақ...

Танымал жаңалықтар

ОБЛЫС ӘКІМІ ЕЛОРДАДА БАСПАСӨЗ МӘСЛИХАТЫН ӨТКІЗДІ
20:25, 5 желтоқсан 2019
ОБЛЫС ӘКІМІ ЕЛОРДАДА БАСПАСӨЗ МӘСЛИХАТЫН ӨТКІЗДІ
Толығырақ...
ҚОСТАНАЙДА «ЖАЛҒАН ФУТБОЛШЫЛАР» АНЫҚТАЛДЫ
20:39, 5 желтоқсан 2019
ҚОСТАНАЙДА «ЖАЛҒАН ФУТБОЛШЫЛАР» АНЫҚТАЛДЫ
Толығырақ...