ШҰҒЫЛ! ТЕАТРЛАР МЕН ҚОҒАМДЫҚ ТАМАҚТАНУ ОРЫНДАРЫНЫҢ ЖҰМЫСЫНА РҰҚСАТ БЕРІЛДІ Толығырақ

АЛЕКСАНДР КАЛУГИННІҢ ШЫҒАРМАШЫЛЫҚ КЕШІ ӨТТІ

20:47, 6 ақпан 2019

Өнерге құмартқан жеткіншектердің өрісін кеңейтіп, талай таланттарды түлеткен Қазақстан Республикасының Еңбек сіңірген әртісі - Александр Калугин 80 жасқа толды. Мерейтой иесінің шығармашылық кешіне тәлімгердің шәкірттері, өнер жанашырлары мен әріптестері жиналды.

Қытымыр қыстың қаһарына қарамастан, облыстық филармонияда ине шаншар жоқ. Себебі бұл күн – талай талантты түлеткен Александр Калугинның сексеннің сеңгіріне шыққан күні. Тобылдық сахна саңлағының шәкірттері – бүгінде  халықаралық сайыстарда ел намысын қорғап, сан мәрте үздік екендерін дәлелдеп жүр. Өнерлі өрендердің ұясына айналған студияның шәкірттері - мерейтой иесіне арналған концертте  әуелете ән шырқап, мың бұрала би биледі.

Күміс көмей, жез таңдай әнші ТМД елдерінде талай мәрте гастрольдік сапарларда болып, 10 мыңнан астам опералық жанрда концерт қойған. Өмірі өнермен өрілген мәдениет майталманын – Астаналық шәкірттері әдейілеп келіп, жүрекжарды ақ тіелктерін білдіріп жатты.  

Көрнекті тұлға облыстық өнер ұжымы дайындаған шығармашылық кеште - шабытының шалқарын кешті. Сексенге келіп жеткен өнер майталманы мәртебесін асқақтатып, қуанышына ортақтасқан қадірлі қауымға дән ризалығын жеткізді.  

 

Гүлжан Жеңіс

Тақырып бойынша материалдар

21 МАМЫР - МӘДЕНИЕТ ЖӘНЕ ӨНЕР ҚЫЗМЕТКЕРЛЕРІНІҢ КҮНІ
20:46, 21 мамыр 2020
21 МАМЫР - МӘДЕНИЕТ ЖӘНЕ ӨНЕР ҚЫЗМЕТКЕРЛЕРІНІҢ КҮНІ
Толығырақ...

Танымал жаңалықтар

ТЕАТРЛАР МЕН ҚОҒАМДЫҚ ТАМАҚТАНУ ОРЫНДАРЫНЫҢ ЖҰМЫСЫНА РҰҚСАТ БЕРІЛДІ
20:49, 17 қыркүйек 2020
ТЕАТРЛАР МЕН ҚОҒАМДЫҚ ТАМАҚТАНУ ОРЫНДАРЫНЫҢ ЖҰМЫСЫНА РҰҚСАТ...
Толығырақ...
АУЫЛ ШАРУАШЫЛЫҒЫ САЛАСЫНДА ЕҢБЕК ӨНІМДІЛІГІ АРТҚАН
20:09, 16 қыркүйек 2020
АУЫЛ ШАРУАШЫЛЫҒЫ САЛАСЫНДА ЕҢБЕК ӨНІМДІЛІГІ АРТҚАН
Толығырақ...