ШҰҒЫЛ! НАҚТЫ СҰРАҚТАРҒА НЕГІЗДЕЛГЕН ЖЕДЕЛ ЖЕЛІЛЕР Толығырақ

АҚЫНДЫ ЕСКЕ АЛУ КЕШІ ӨТТІ

20:56, 9 қыркүйек 2019

«Сосновый бор» шипажайында елімізге белгілі ақын, Солтүстік Қазақстан облысының тумасы, Қазақстанның және КСРО жазушылары мен журналистері одағының мүшесі Жарасбай Нұрқановты еске алу кеші өтті. Кешке қатысушылар ақынның жүрекжарды өлеңдерімен танысып, рухани іс-шараның куәсі болды.

Жарасбай Нұрқанов 1937 жылдың 22 наурызында Солтүстік Қазақстан облысы Шал ақын ауданына қарасты Көктерек ауылында дүниеге келген. Журналис-ақынның еңбектері өзіне ғана тән тақырыптық, жанрлық, стильдік даралығымен, ерекше сөз нақышымен ерекшеленеді.  Кеш барысында дүйім көрермен ақын өлеңдерін ерекше ықыласпен тыңдады.

Кештің бастамашысы болған ақынның жары - Қазина Нұрқанова. Ол ұзақ жылдар бойы Қазақ радиосы мен газет, баспаларында жұмыс істеген. Қазір зейнеткер жасында болса да, ақынның артында қалған шы­ғар­маларын кеңінен насихаттап, кейінгі ұрпақтың есінде мәңгі қалдыру мақсатында ұлағатты іс тындырып жүр. 

Ақынның журналистика саласындағы еңбегін былай қойғанда,  әр жылдары жарық көрген  «Алтын десте», «Арманым менің», «Нұрлы терезе», «Көкжиек» және т.б. онға жуық өлеңдер мен поэмалар жинағын да атап өту керек. Халқымызға қалаулы, елімізге елеулі азаматтарды көпшілік әсте ұмытпақ емес.

Гүлсезім Ақтас

Тақырып бойынша материалдар

21 МАМЫР - МӘДЕНИЕТ ЖӘНЕ ӨНЕР ҚЫЗМЕТКЕРЛЕРІНІҢ КҮНІ
20:46, 21 мамыр 2020
21 МАМЫР - МӘДЕНИЕТ ЖӘНЕ ӨНЕР ҚЫЗМЕТКЕРЛЕРІНІҢ КҮНІ
Толығырақ...

Танымал жаңалықтар