ШҰҒЫЛ! QOSTANAY ELORDA MEREYTOYIN TOYLAWĞA DAYIN Толығырақ

Er esimi – el esinde!

18:10, 15 aqpan 2018

Ïnternacïonal-jawıngerler esimi eşqaşan umıtılmaydı. Keñes äskeriniñ Awğan jerinen şığarılğanına 29 jıl toldı. Ulı Otan soğısınan eki ese uzaqqa sozılğan bul maydanda 2 mıñğa tarta qostanaylıq qarw asınıp, Keñes äskeri qatarında şayqastı. 40-tan astam jerlesimiz jaw oğınan şet jerde şeyit boldı. Qostanayda awğan soğısınıñ ardagerleri bas qosıp, surapıl soğısta qaza bolğan maydandas dostarın eske aldı.

Awğan soğısınıñ qandı qırğınınan aman-esen oralğanımen, jandarı jaralı ardagerler osılar. Qaza tapqan maydandas dostarın soñğı saparğa şığarıp salıp turıp, közderi jasqa, jürekteri muñğa tolğan sätteri köp boldı olardıñ. 1989 jıldıñ 15 aqpanında 10 jıldıq soğısqa nükte qoyıldı. Sol kezde mıñdağan Keñes äskeriniñ jawıngerleri qan maydanda mert bolıp, ömir baqï mügedek atandı. Qostanay jerinen Otan aldındağı ïnternacïonaldıq mindetin orındawğa 1846 adam attansa, onıñ 46-sı qaza taptı.

Marat Ğalım 1986 jılı Keñes äskeriniñ qatarına alındı. Otan aldındağı borışın qırğın atıs bolğan Şandong provïncïyasında ötkerdi. Jaralı bolğan talay dostarın kördi, duşmandarmen ayqastı.    

Ärïne, awğan soğısına qatısqandar özderine berilgen buyrıqtı orındap, Otan aldındağı mindetin abıroymen atqarıp şıqtı. Sarbazdar sol kezdegi sayasï jüye üşin emes, azamattıq borışın orındadı. Otanıñ üşin otqa tüs küymeysiñ degen qasïetti  qağïdanı ustandı. 5 qazaqstandıq Keñes Odağınıñ batırı atandı. Olardıñ qatarında – jerlesimiz, meñdiqaralıq Valerïy Wxabov ta bar. 

Тақырып бойынша материалдар

Танымал жаңалықтар